ПФЛ бу йил янги регламент ишлаб чиқди. Унга бир қатор янги қоидалар киритилган. Биз регламентнинг мухлисларни қизиқтирадиган легионерларга қўйилган талаблар тўхталишни лозим деб топдик. 

6.3. Жамоага Ўзбекистон фуқароси бўлмаган 4 нафар легионер қўшиб олишини мумкин. Легионерларнинг бир нафари албатта Осиё мамлакати фуқароси бўлиши шарт. Агар осиёлик футболчи бўлмаса клуб 3 нафар легионер билан чекланишга мажбур.

Хорижлик футболчи қуйидаги талабларнинг бирига тўғри келиши керак:

- Сўнгги мавсумни УЕФА, КОМНЕБОЛ, КОНКАКАФ, АФК, ОФК, КАФ давлатлари миллий чемпионатларида ўтказган футболчи биринчиликнинг олий лигасида камида 60% (30 ёшдан катталар 70%) учрашувларда майдонга тушган бўлиши керак;

- Охирги мавсумни Ўзбекистон Чемпионатида ўтказган бўлса, мавсум давомида энг камида 75% учрашувда ўйнаган бўлиши шарт;

- Миллий терма жамоа сафида охирги саралаш ўйинларида камида 5та ўйинда майдонга тушган бўлиши лозим;

- Олимпия ёки ёшлар терма жамоаси сафида охирги саралаш ўйинларида камида 70% ўйинда ҳаракат қилган бўлиши керак.

7.7. Олий лига иштирокчи жамоалари таркибини Ўзбекистон фуқароси бўлмаган легионер мураббий ёки футболчи билан тўлдирса, ПФЛ ҳисоб-рақамига 10 миллион ўтказиб бериши шарт. Агар легионер Регламентнинг 6-бўлим 6.3 бандида қўйилган талабларнинг бирор-бирига мос келмаса ПФЛ ҳисоб рақамига 50 миллион сўм ўтказиб бериши шарт бўлади. 

Ўзбекистон Биринчилиги иштирокчилари Ўзбекистон фуқароси бўлмаган мураббий ёки футболчи учун ПФЛ ҳисоб-рақамига 5 миллион ўтказиб бериши шарт.