Kun.uz: “Барселона” клуби ва Испания терма жамоаси футболчиси Хави Эрнандес Қатарнинг “Ас-Садд” клубида уч мавсум тўп суради. Унинг бир йиллик маоши 10 млн еврони ташкил қилади.
Битимга у билан шартномани яна бир йилга узайтириш мумкинлиги шарти ҳам киритилади, деб хабар берди Sport.es портали.
Хави клубда тўп суришидан ташқари, Қатарнинг ёш ўйинчилари машғулот ўтказадиган Aspire футбол академиясида маслаҳатчи бўлиб ҳам ишлайди.
Маълумот учун, Хави “Барселона” сафида 16 мавсум давомида тўп суриб, клуб сафида 751 маротаба майдонга тушган ва ўтказилган ўйинлар сони бўйича клуб рекорди ўрнатган.
