"Реал" ярим ҳимоячиси Сами Хедира келаси мавсум "Шальке-04" сафига келиб қўшилса бундан жамоа бош мураббийи Роберто Ди Маттео хурсанд бўлишини таъкидлади. Айни вақтда Германия терма жамоаси футболчисининг мавсум якунлангач "қаймоқранглилар" таркибини тарк этиши ойдинлашиб бормоқда.
"Қайси мураббий Хедира сингари ўйинчини ўз таркибида кўришни истамас экан? Бизнинг клуб эшиклари барча учун очиқ.
Аммо Хедирани "Шальке"га олиб келиш осон бўлмайди", - дея championat.com Sport1 интернет нашрига таяниб Ди Mаттео фикрларини келтиради.
Эслатиб ўтамиз, аввалроқ Хедира "Реал" билан шартномани узайтириш нияти йўқлигини айтганди.
