Англия терма жамоаси сардори Уэйн Руни "Тоттенхэм" ҳужумчиси Харри Кейннинг бош жамоага чақирилганини тўғри қарор деб ҳисоблайди.
"Харри ушбу мавсумда фавқулодда зўр ўйин намойиш қиляпти. Бу унинг АПЛдаги биринчи мавсуми, аммо ўзининг ўйини ва киритган голлари эвазига терма жамоадан чақирув олишга муваффақ бўлди.
У ҳақиқий тўпурар футболчи. Бунга биз "Лестер"га қарши ўйинда ҳам гувоҳ бўлдик. Кейн сингари ўйинчининг Англия футболида бўлиши ёқимли ҳолат", - дея championat.com Goal нашрига таяниб Руни фикрларини келтиради.
Эслатиб ўтамиз, Кейн Англия чемпионатининг 20 учрашувида ўз ҳисобига 19та гол ёзиб қўйди.