«Барселона» «Норвич»нинг 16 ёшли қанот ҳужумчиси Аджай Таварес билан меҳнат шартномасини имзолаш бўйича келишувга эришди. Таниқли инсайдер Фабрицио Романонинг ижтимоий тармоқларда хабар беришича, англиялик иқтидор яқин вақт ичида каталонияликлар сафига қўшилади.
Ёш вингерга Германиянинг бир қатор клублари ҳам қизиқиш билдирган эди, бироқ Таварес «кўк-анорранглилар» лойиҳасини танлади.
Ҳозирда футболчи «Норвич»нинг ёшлар жамоаси шарафини ҳимоя қилмоқда. У «канарлар»нинг асосий жамоасида ҳали дебют қилганича йўқ. Жорий мавсумда Таварес 11 та ўйинда майдонга тушди, аммо ҳозирча самарали ҳаракатларни (гол ёки пас) амалга ошира олмади.
