Евро-2016 саралаш босқичининг Черногория - Россия терма жамоалари ўртасидаги учрашувнинг биринчи дақиқасида русларнинг дарвозабони Игорь Акинфеевга мухлислар томонидан улоқтирилган ёнувчи восита - файер тегди.
Файер Акинфеевнинг елка соҳасига тегди ва у майдонга йиқилиб, ҳаракатсиз ётди. Дарвозабонга ёрдам кўрсатиш учун шифокорлар югуриб чиқишди, майдонда электромобиль пайдо бўлди.
Майдонга тушиш учун русларнинг иккинчи дарвозабони Юрий Лодигин тайёрлана бошлади. Бош мураббий Фабио Капелло захира ҳакамига эътирозлар билдира бошлади.
Урашув ҳаками Дениз Айтекин футболчиларни стадион биноси ичига бошлаб олиб кириб кетди. Ўйин тўхтатилди.
