Москванинг "Локомотив" клуби бош мураббийи Миодраг Божович Черногория ва Россия терма жамоалари ўртасидаги Евро-2016 саралаш учрашувидаги воқеа хусусида фикр билдирди.
"Агар Черногорияга 0:3 ҳисобидаги техник мағлубият ёзилса, бу Россия термаси учун яхши. Аммо петардани черногориялик мухлис улоқтирган деб ўйламайман, чунки черногорияликлар яхши инсонлар. Бу шармандалик, буни изоҳлашга сўз топа олмаяпман. Мен шокдаман, петарда улоқтирганлар қандайдир безорилар, тоғдан тушган ёввойи одамлар. Россияликларнинг ўрнида бўлганимда ўйинни давом эттирмасдим", - дейди Божович.
Эслатиб ўтамиз, учрашувнинг 20-сониясида руслар посбони Игорь Акинфеевнинг елкасига черногориялик мухлислар улоқтирган петарда келиб тушди ва учрашув тўхтатилди. Шундан сўнг Акинфеев шифохонага олиб кетилди. 35 дақиқлардан сўнг учрашув давом эттирилди.
