Евро-2016 саралаш босқичининг Черногория ва Россия терма жамоалари ўртасидаги учрашуви ҳакам қарорига кўра тўхтатилди.
Учрашувнинг 63-дақиқасида черногориялик дарвозасига пенальти белгиланди. Россия терма жамоаси футболчиси Роман Широков пенальтини аниқ амалга ошира олмади. Шундан сўнг майдон марказида футболчилар тўқнашиб кетишди, ҳакамлар уларни ажратишга қийналишди.
Камига Россия терма жамоасига мухлислик қилаётган қилаётган серб ишқибозлари секторига петардалар учиб кела бошлади. Россия термаси ўйинчиси Дмитрий Комбаров аутдан тўпни ўйинга киритмоқчи бўлганда унинг бошига ўтатгич (зажигалка) келиб тушган. Футболчи уни ҳакамга кўрсатганидан сўнг Дениз Айтекин ўйинни тўхтатди ва футболчиларни иккинчи марта стадион биноси ичига бошлади.
Эслатиб ўтамиз, учрашувнинг биринчи дақиқасида россияликлар дарвозабони Игорь Акинфеевнинг елкасига петарда келиб тушган ва ўйин тўхтатилган эди. Шундан сўнг Акинфеев шифохонага олиб кетилган эди.
Ушба воқеалар юзасидан УЕФА қарори кечроқ маълум бўлади.
