Тошкентнинг “Локомотив” футбол клуби дарвозабони Игнатий Нестеров умумий машғулотларда иштирок этишни бошлади. Sports.uz’нинг ёдга солишича, Нестеров жиддий жароҳати туфайли сафдан чиққан эди.
Дастлабки тиббий текширувлардан сўнг унинг 2015 йил июнь ойида сафга қайтиши ҳақида хабар берилган эди. Бироқ, кейинроқ қайта ўтказилган текширувлар шуни кўрсатдики, Игнатийнинг жароҳати у қадар жиддий эмас.
“Шу сабабли дарвозабон яқин орада майдонга тушиши мумкин. Бу хушхабар миллий терма жамоамиз мухлисларини ҳам қувонтириши табиий”, – дейилади хабарда.
