Kun.uz: Лондоннинг “Челси” клуби ярим ҳимоячиси Оскар Туриннинг “Ювентус” жамоаси қизиқишлари доирасида бўлиб турибди. Бу ҳақда Daily Mail нашри хабар тарқатган. “Ювентус” вакиллари бироз олдинроқ бўлиб ўтган Франция ва Бразилия терма жамоалари ўртасида кечган ўртоқлик учрашувига 23 ёшли футболчининг ўйинини кузатиш учун ташриф буюришган.
3:1 ҳисобида бразилияликлар ғалабаси билан якунланган ўйинда Оскар ҳам голлардан бирига муаллифлик қилганди.
Туринликлар лондонликларга Оскар бўйича таклифларини шу йилнинг ёзидаёқ жўнатишлари кутилмоқда. Оскар ва “Челси” ўртасидаги мавжуд шартнома 2019 йилнинг иккинчи ярмигача тузилган.
