“Байер” жамоасининг ёш футболчиси Ҳоқон Чалхонгўглуга Европанинг бир қатор гранд жамоаларидан қизиқишлар билдирилмоқда.

Tuttosport нашрида ёзилишича, 21 ёшли бу яримҳимоячининг хизматларидан фойдаланишни истаётган жамоалар сафида “Арсенал”, “Барселона”, “Ливерпуль” каби жамоаларни кўриш мумкин эди. Эндиликда бу жамоалар сафифа Италиянинг “Ювентус” ва “Рома” жамоалари ҳам қўшилган.

Итальян жамоалари ёздаёқ футболчи учун таклиф жўнатишни режалаштиришмоқда.

Эслатиб ўтамиз, “Байер” ҳам бу футболчини жорий мавсум арафасида Германиянинг бошқа бир жамоаси “Гамбург”дан 14,5 млн евро эвазига сотиб олганди ва 5 йиллик шартнома имзолаганди.

Маълумот учун, Чалханўглу бундеслигада “Байер” сафида 25 та ўйинда майдонга тушди ҳамда 5 гол уриб, 4 голли узатмани амалга оширди.