“Манчестер Юнайтед” жамоаси ҳужумчиси Робин ван Перси бир йилдан сўнг эркин агентга айланиши ва клуб томонидан голландиялик футболчига янги шартнома таклиф қилинмаётгани муносабати билан Туркиянинг “Фенербахче” клуби ўйинчига катта қизиқиш билдирмоқда.

Fanatik порталининг хабарларига кўра, турклар Ван Перси билан норасмий музокараларни ўтказиб, унга 3 йиллик шартнома таклиф қилишмоқчи. Амалга ошиши мумкин бўлган келишув нархи эса ноъмалум. Робин ван Перси, ушбу ҳолат бўйича Туркия Суперлигасида иштирок этаётган ватандошлари Уэсли Снейдер ва Дирк Куйт билан маслаҳатлашгани маълум бўлди.

Жорий мавсумда голландиялик ҳужумчи 26 учрашувда майдонга тушиб, 10 маротаба рақиблар дарвозасини ишғол қилган.