Суриядан учралган мағлубиятга учрагач, матбуот анжуманида ўйин учун ўзбекистонлик мухлислардан узр сўради.

— Ўйинга фақат ғалабани кўзлаб тушган эдик. Аммо, ғалаба қозона олмадик. Йигитлар ҳаракат қилишди. Барча айбни мураббийлар штаби номидан ўз бўйнимга оламан.

— Ўйинда сизни фақат ғалаба қониқтирар эди, шу боис ўйиндан олдин футболчиларингизга нима деган эдингиз?
— Фақат ғалаба, фақат 3 очкони ўйлаб майдонга тушишга кўрсатма берган эдим. Аммо, яна қайтариб айтаман, футболчилар қўлларидан келганча, бор кучи билан ҳаракат қилишди. Мураббийлар штаби камчиликларга йўл қўйган бўлишимиз мумкин.

— Бангладешга турнирдан 7 кун олдин келган эдингиз. Бу ердаги шароитга мослашиш учун. Айни дамда, эртароқ келганингиз фойда берди деб айта оласизми?
— Биз турнирда олдимизга фақат 1-ўринни олиш вазифасини қўйган эдик. Шундай экан, бундан қониқмадим. Умуман, турнирдаги иштирокимизни қониқарсиз деб ҳисоблайман. Мухлисларимиздан яна бир марта узр сўрайман.