The Times нашрида ёзилишича, “Челси” ўзининг асосий рақибларидан бири “Арсенал”дан Тео Уолкоттни сотиб олиши мумкин.

“Айни вақтда “нафақахўрлар” “Арсенал” ва Уолкотт муносабатларини кузатмоқда. Агар “канонирлар” бу футболчи билан шартномани узайтирмаса, ёзги трансферлар вақтида “Челси” уни сотиб олишга ҳаракат қилади”, дейилади хабарда.

Маълумот учун, Абрамович 3 йил олдин ҳам Уолкоттни ўз жамоасида кўришни истаган, лекин “Арсенал” Уолкотт билан янги шартнома тузишга эришганди.

Маълум қилишларича, “Челси”дан Фрэнк Лемпард ва Эшли Коул кетгач, “Стемфорд Бриж”да англиялик футбочилар тақчил бўлиб қолган. Жамоа айнан шу муаммони ҳал қилиш мақсадида Уолкоттни сотиб олиши мумкин.

Бироз олдинроқ, Уолкотт “Арсенал”дан кўпроқ маош талаб қилаётгани ҳақда хабарлар чиққанди. Лекин кейинроқ футболчи бу миш-мишларни рад қилган.