Kun.uz: Айни вақтда 30 ёшга чиққан голландиялик футболчи Найжел де Йонгнинг “Милан” жамоаси билан шартномаси шу йилнинг ёзида якунига етади ва у эркин агентга айланади.

Икки томон шартномани янгиламаса, де Йонг Манчестерга қайтиши мумкин.

The Mirror нашининг хабар беришича, голланд футболчиси “россонерилар” билан музокара ўтказиб бўлган ва берилган таклифларга рози бўлмаган ҳамда шартномасини узайтирмайдиган бўлган. Энди у “қизил иблислар” вакиллари билан алоқа ўрнатган.

Маълумот учун, Найжел де Йонг бундан олдин ҳам Англияда, Манчестер шаҳрида фаолият олиб борган, лекин унинг аввалги инглиз жамоаси “Манчестер Сити” бўлганди. У бу жамоа сафида 2009-2012 йиллар мобайнида тўп сурган ҳамда 2012 йилда бу жамоа билан олтин медалларга эга чиққан.

У шунингдек, Голландия терма жамоаси сафида икки марта жаҳон чемпионатида қатнашиб, 2010 йилда кумуш, 2014 йилда эса бронза медални кўксига таққан.