“Барселона” “Порту”нинг ўнг қанот ҳимоячиси Данилони сотиб олиш бўйича музокаралар олиб борган. Эслатиб ўтамиз, футболчи июлдан бошлаб “Реал” ўйинчисига айланади.

Каталон клуби унинг учун 37 миллион евро тўлашга тайёр бўлган, бразилияликнинг трансфери эса “Реал”га 31,5 миллионга тушди.

“Барселона” Данилони ёзда сотиб олиб, янги трансферларни расмийлаштиришга қўйилган тақиқ сабаб уни 2016 йил январигача “Порту”да ижарада қолдирмоқчи эди. Бироқ футболчининг ўзи айнан “Реал”да ўйнашни истади.

Данилонинг хизматларига “Манчестер Юнайтед” ва “Бавария” ҳам қизиқиш билдирганди.