“Насаф” - “Қўқон-1912″ учрашувидан сўнг дастлаб меҳмон жамоа бош мураббийи Рустам Абдуллаев бугунги учрашув ҳақида фикрларини билдириб ўтди:

— ОЧЛда қатнашадиган жамоанинг савияси барчага маълум. Биз ҳам жамоамизни шакллантириш йўлидамиз. Агар Дониёр қулай вазиятни голга айлантирганда, ўйин бошқача кечарди. Қўқондан келган мухлисларга катта раҳмат демоқчиман.

— Сиз ўйнаган “Насаф” билан ҳозирги жамоа ўртасидаги фарқ нимада деб биласиз?
— Инфратузилма анча шаклланган. Зайниевнинг хизмати сабаб 50-100 йилларда ҳам воҳа футболи ўлмайди. Минус тарафи ҳозирги ҳужумчилар олдингидек ҳаракат қилишмайди.

— "Нефтчи"га бурчакдан гол урганингизни эслаймиз. Стандарт вазиятлардан фойдаланадиган футболчилар ҳозир нима сабаб кам?
– Илгари техник футбол намойиш этиларди. Шахсан ўзим машғулотдан сўнг қолиб ўз устимда ишлардим.

— Ҳакамлар қароридан норозимасмисиз?
– Ҳар икки жамоадан ҳам биттадан футболчи кейинги ўйинни ўтказиб юборади. Шу вазиятларда ҳакам кечирса ҳам бўларди.

— Бугунги учрашувдан қандай натижа кутгандингиз?
– Дурангдан умид қилгандим.