«Челси» клуби «Ювентус» ярим ҳимоячиси Поль Погбани қўлга киритиш учун курашга киришди.
The Telegraph нашрининг хабар тарқатишича, лондонликлар 22 ёшли футболчини қўлга киритиш учун "Ювентус"га Оскар ва Рамиресни таклиф қилишлари мумкин. Шунингдек, туринликлар аввал Погбани сотиб, сўнгра қўлга киритилган маблағ эвазига Оскар ва Рамиресни сотиб олишлари ҳам мумкин.
«Ювентус» Погбани 100 миллион евродан кам бўлмаган суммага сотмоқчи экани ҳақида хабарлар бор. Ярим ҳимоячига «ПСЖ», «Барселона» ва «Манчестер Юнайтед» клублари ҳам даъвогарлик қилишмоқда.