Кеча БАА чемпионатининг ҳам навбатдаги тури бўлиб ўтди. Унда Дубайннинг “Ал-Аҳли” жамоаси “Ал-Айн” жамоаси меҳмони бўлди. Учрашув кичик ҳисобда “Ал-Айн” фойжасига ҳал бўлди.

Сал аввал БАА суперкубогида ғалаба қозонган “Ал-Аҳли” жамоаси бу сафар “Ал-Айн”дан мағлубиятга учради. “Насаф”нинг ОЧЛдаги рақиби “Ал-Аҳли” жамоаси учрашувда 38-дақиқадан кейин майдонда 10 киши бўлиб қолишди. 2-рақамдаги ҳимоячи Салмон Хамис ҳакам томонидан қизил карточка олиб, майдонни тарк этишга мажбур бўлди.

Учрашувдаги ягона голни 45+1-дақиқада “Ал-Айн” жамоасининг ўйинчиси Асома Гаян киритди.

“Ал-Аҳли” сафига шу йилдан қўшилган бразилиялик легионер Эвертон Рибейро 84-дақиқада майдонга туширилди. Бундан аввал эса, 79-дақиқада жамоанинг моҳир ҳужумчиси 11-рақамдаги Ахмад Халил мураббийдан ўзини алмаштирларини сўради ва майдонни тарк этди. Унинг ўрнига эса кейинги пайтларда жароҳати туфайли заҳира ўриндиғида қолиб кетаётган Усамо Ас-Саиди майдонга туширилди.

Шунингдек Космин Олиару ўйиндан сўнг ўз фикрларини билан билдирди: “Бугун жамоамиз ўйинчилари кўп меҳнат қилишди. Кучли жамоага 60 дақиқа 10 киши бўлиб қарши туриш ҳам оғир бўлди. Биз кўплаб вазиятларни пучга чиқардик, сафимизда жиддий йўқотишлар бор. олдимизда “Насаф”га қарши ОЧЛ учрашуви турибди, афсуски асосий дарвозабонимиз Мажид Носир хизматидан фойдалана олмаймиз, унинг ўрнида Ахмад Дидадан фойдаланамиз, бугун сафимиздаги йўқотишлар туфайли жароҳати битмаган Усамо Ас-Саидини ҳам майдонга туширишга тўғри келди.”