Хабарингиз бор, 14 апрель куни ЖЧ-2018 ва Осиё кубоги-2019 қўшма саралашининг иккинчи босқичига қуръа ташланади. Унда 40та жамоа 8та гуруҳга бўлинишади. Қуръа жараёнида жамоалар ФИФАнинг 9 апрель куни эълон қилинадиган рейтинги асосида 5та саватчага ажратилишади.

ФИФА кунларида ўтказилган ўртоқлик ўйинларидан сўнг саватчалар таркиби аниқ бўлди. Унга кўра, Ўзбекистон терма жамоаси Осиёнинг олтинчи жамоаси сифатида 1-саватчадан қуръага тортилади. Термамиз ушбу саватчанинг қолган вакиллари — Эрон, Япония, Жанубий Корея, Австралия, БАА, Хитой ва Ироқ билан бир гуруҳдан жой олмайди.

1-саватча: Эрон, Япония, Жанубий Корея, Австралия, БАА, Ўзбекистон, Хитой, Ироқ
2-саватча: Саудия Арабистони, Уммон, Қатар, Иордания, Баҳрайн, Вьетнам, Сурия, Кувайт
3-саватча: Афғонистон, Филиппин, Фаластин, Мальдив ороллари, Таиланд, Тожикистон, Ливан, Ҳиндистон
4-саватча: Шарқий Тимор, Қирғизистон, КХДР, Мьянма, Туркманистан, Индонезия, Сингапур, Бутан
5-саватча: Малайзия, Гонконг, Бангладеш, Яман, Гуам, Лаос, Камбожа, Хитой Тайпейи