“ПСЖ” ҳимоячиси Грегори ван дер Вил кейинги ёзда жамоани тарк этиши мумкин, деб хабар беради “СЭ” сайти L'Equipe нашрига таяниб.
2016 йилда Париж клуби билан шартномаси якунланаётган голланднинг янги келишув бўйича олиб бораётган музокараси боши берк кўчага кириб қолди. Томонлар маош миқдорини келиша олишмаяпти.
Манба маълумотига кўра, “ПСЖ” унинг ўрнига бошқа футболчи сотиб олмайди. Чунки голланд футболчиси жароҳат олган вақтда унинг позициясида ўйнаган Маркиньос ўзини яхши кўрсатди. Бразилиялик футболчи асосий ўнг қанот ҳимоячиси бўлади, Серж Орье эса захира варианти. Шундай қилиб, “ПСЖ”га “Барселона” ҳимоячиси Дани Алвеш ўтиши мумкинлиги ҳақидаги гаплар тасдиқланмаяпти.