“Реал” мавсум якунланганидан сўнг “Манчестер Юнайтед” дарвозабони Давид Де Хеани сотиб олмоқчи, деб хабар беради sports.ru
As газетаси маълумотларига кўра, 24 ёшли голкипер Испанияга қайтишга қарши эмас, аммо Мадрид клуби Икер Касильяс билан хайрлашишига шубҳа қилмоқда.
Бундан ташқари “МЮ” Де Хеа учун 68 миллион евро талаб қилаётгани ҳам келишувнинг амалга ошишини қийинлаштиради. Манкунианлар 4 йил аввал унинг учун “Атлетико”га 22,7 миллион тўлашганди.
Де Хеа “қизил иблислар” билан шартномани узайтиришга шошилмаяпти. Чунки клуб унинг келишувида воз кечиш суммасини футболчи хоҳлагандек 30 миллион евро этиб белгилашдан бош тортяпти.
Агар Де Хеанинг трансфери амалга ошмаса, “Реал” “Челси”да етарлича ўйин амалиётига эга бўлолмаётган Петр Чехни қўлга киритишга уриниб кўради.