Лозаннадаги Спорт арбитраж суди (CAS) арбитри Лучио Колантуонининг маълум қилишича, Черногория терма жамоасига Евро-2016 саралашида Россия билан учрашувдаги воқеа учун мағлубият ёзилиши мумкин.
Эслатиб ўтамиз, учрашувнинг биринчи дақиқасидаёқ ишқибозлар улоқтирган петарда русларнинг дарвозабони Игор Акинфеевни жароҳатлаган ва кейинчалик тартибсизликлар сабабли ўйин тўхтатилган эди.
"Агар менга башорат қиладиган бўлсам - Черногорияга 0:3 ҳисобида техник мағлубият ёзилади. Бундан ташқари Черногория терма жамоаси Европа чемпионатида иштирок этиш ҳуқуқидан маҳрум қилиниши мумкин. Ҳуқуқий нуқтаи назардан бу воқеа жиноят, унда иштирок этганлар жазоланишлари керак", - дейди Колантуони.
