Россиялик модель Ирина Шейк португалиялик футболчи Криштиану Роналду билан ажрашгач ҳаёти қандай кечаётгани ҳақида сўзлаб берди, деб хабар бермоқда «Сегодня.ua».
«Ҳозирда ҳамма бўш вақтимни ўзим яхши кўрган инсонларга − оилам ва дўстларимга бағишлаяпман. Иш муҳим, аммо мен буларнинг орасидан мувозанат топиб, ҳаётдан завқ олиш керак деб ҳисоблайман», − деди Шейк.
Унинг сўзларига кўра, кўпроқ овқат ея бошлаган, жумладан соғлом овқатларни чекловларсиз ейишини таъкидлаган. Кейин эса тренажёр залида ўз қоматини маромда ушлашга ҳаракат қилишини маълум қилган. «Нимани хоҳласанг − е, кейин спортзалга югур», − дейди модель.
