"Локомотив"нинг Осиё чемпионлар лигасидаги рақиби "Ас-Садд" Тошкентга келишдан олдин миллий чемпионатда "Ал-Ғарафа"га қарши ўйин ўтказди. Кеча оқшом бўлиб ўтган мазкур баҳсда "Ас-Садд" рақиби устидан 5:1 ҳисобида ғалаба қозонди.
Биринчи тайм майдон эгалари фойдасига 3:1 ҳисобида якун топди. Танаффусдан кейин "Ас-Садд" яна икки бор тўп киритиб, йирик ҳисобдаги ғалабани таъминлади. Айни пайтда "Ас-Садд" 51 очко билан турнир жадвалида иккинчи ўринда боряпти. Бу жамоа навбатдаги ўйинини Тошкентда ОЧЛ 4-тур доирасида "Локомотив"га қарши ўтказади. Улар 6 апрель кечки пайт юртимизга етиб келишади.
Қатар юлдузлар лигаси. 24-тур
"Ас-Садд" - "Ал Гарафа" 5:1
Голлар: Юсеф Аҳмад (5), Алсенҳажи (7, 26), Мурики (64), Графите (71) - Кесеру (29).
"Ас-Садд" таркиби: 1.Саад аш-Шийб, 39.Нодир Белхаж, 40.Ли Жунг Су, 6.Муҳаммад Касола, 3.Абдулкарим Ҳассан, 70.Мусъаб Ходер, 37.Ҳ.Алсенҳожи, 20.Юсуф Аҳмад, 9.Мурики, 11.Ҳассан Холид, 8. Али Ассадалла
Захирадан тушганлар: 32.Графите, 98.Умар Яҳё, 94. Ҳамад Мансур
