Кеча Қатар юлдузлар лигасининг 24-тур учрашувларига якун ясалди.

“Бунёдкор”нинг Осиё Чемпионлар лигасидаги рақиби “Лахвия” клуби ушбу тур доирасида аутсайдерлардан бири “Ал-Шаҳания” жамоасини қабул қилди. Қўлга киритиладиган ҳар қандай ҳисобдаги ғалаба Микаэль Лаудруп ва унинг жамоасини муддатидан аввал Қатар чемпионлигига етаклар эди. Бироқ шу куни “Лахвия” футболчилари аранг дуранг натижа қайд эта олишди. Қизиқарли кечган баҳс 3:3 ҳисобида якун топди. “Лахвия”нинг голларига Ёсир Мсакни 2та ва Луис Сеара муаллифлик қилишди.

Шу тариқа, Микаэль Лаудруп шогирдлари 8 апрель куни “Бунёдкор” билан Чемпионлар лигаси доирасида бўлиб ўтадиган баҳсгача кутилган чемпионликни расмийлаштира олишмади.

Қатар юлдузлар лигаси
24-тур. 04/04/2015
“ЛАХВИЯ” – “АЛ-ШАҲАНИЯ” 3:3 (2:2)
Голлар: Варкез 22 пенальти (0:1), Мсакни 24 (1:1), Луис Сеара 39 (2:1), Фаҳад Халфан 44 (2:2), Фаҳад Халфан 52 (2:3), Мсакни 90+1 (3:3)
“Лахвия” таркиби: 40.Лекомте-Аддани, 2.Муҳаммад Муса, 4.Чико Флорес (14.Муҳаммад Тресор 68), 5.Муҳаммад Раззоқ, 9.Абдулраҳмон Моҳд, 6.Дейм Трауре, 8.Луиз Сеара, 10.Тай Хи Нам, 20.Али Хассан, 28.Ёсир Мсакни, 70.Исмоил Мухаммад (79.Владимир Вайсс 68)

Эслатиб ўтамиз, “Лахвия” – “Бунёдкор” учрашуви 8 апрель куни Тошкент вақти билан соат 21:30да бошланади.