Руминия пойтахти Бухарест шаҳрида ўтказилган Жаҳон кубогининг навбатдаги босқичида иштирок этган ҳамюртимиз Елизаветта Назаренковага совриндорлар сафидан ўрин эгаллаши учун бир қадам етмади, дея хабар бермоқда Ўзбекистон Миллий Олимпия қўмитаси расмий сайти.
Булава билан бажариладиган машқларда баҳсларга киришган Елизаветтанинг чиқиши ҳакамлар томонидан 17.700 баллга лойиқ деб топилди ва истеъдодли спортчимиз якунда тўртинчи ўрин билан кифояланди.
Эслатиб ўтамиз, жорий йилнинг март ойида Франция давлатида ўтказилган Гран-При турнирида ҳам Елизаветта тўртинчи натижани қайд этган эди.
