Kun.uz: Профессионал теннис ассоциацияси (АТР) теннисчиларнинг янги рейтингини эълон қилди. Рейтинг ассоциация расмий сайтида жойлаштирилган.

Рейтингга кўра, Майамида ўтган турнирда Жоковичга ютқазган Энди Маррей дунё теннисчилари рейтингининг 3-поғонасига кўтарилиб олди. Мазкур турнирда муваффақиятсиз қатнашган Рафаэл Надал эса 5-ўринга тушиб кетди.

Бу ҳафта ўзбекистонлик теннисчилар ичида Денис Истомин қуйилашга мажбур бўлди. Ўтган ҳафтада 63-ўринда қайд этилган Денис бу ҳафта 3 поғона пастлаб 66-ўриндан жой олиб турибди.

Ўзбекистоннинг иккинчи рақамли теннисчиси Фаррух Дўстов эса ТОП-100таликка тобора яқинлашиб бормоқда. Бу ҳафта 4 ўрин кўтарилган Дўстов 523 очко билан 106-ўринни банд этиб турибди.

Қуйида ТОП-10 ва ўзбекистонлик икки етакчи теннисчиларимизнинг рейтингдаги кўрсаткичлари билан танишиб олишингиз мумкин.

1 (1). Новак Жокович (Сербия) – 13 205 очков,
2 (2). Рожер Федерер (Швейцария) – 8895,
3 (4). Энди Маррей (Великобритания) – 6060,
4 (5). Кэй Нисикори (Япония) – 5280,
5 (3). Рафаэль Надаль (Испания) – 5255,
6 (6). Милош Раонич (Канада) – 5070,
7 (7). Давид Феррер (Испания) – 4670,
8 (9). Томаш Бердых (Чехия) – 4510,
9 (8). Станислас Вавринка (Швейцария) – 4405,
10 (10). Марин Чилич (Хорватия) – 3360…
66 (63). Денис Истомин (Ўзбекистон) – 750…
106 (110). Фаррух Дўстов (Ўзбекистон) – 523.