Осиё чемпионлар лигасининг 4-туридан ўрин олган "Насаф" ва "Ал-Аҳли" (БАА) жамоалари ўртасидаги баҳсдан олдинги матбуот анжумани ўтказилди. Унда дастлаб дубайликлар бош мураббийи Козмин Олариу ва футболчи Исса Аҳмад иштирок этди. Бу ҳақда "Насаф"нинг Твиттердаги саҳифаси хабар тарқатди.
— "Насаф" анча тартибли жамоа. Эртанги ўйинда ғалаба ҳар иккала жамоа учун муҳим. Сабаби, эртанги ўйиндаги ғалаба ҳар иккала жамоанинг кейинги тақдирига бироз бўлсада ойдинлик киритади.
Гуруҳдаги жамоаларнинг имкониятлари бир хил. Саудия Арабистонининг "Ал-Аҳли" клуби ҳозирча гуруҳимизда ҳозирча фаворит. Лекин ҳали ҳаммада имконият бор.
Дубайдаги ўйинда "Насаф" яхши ҳимояланди. Биз кўпроқ ҳужум қилдик. Аммо гол уролмадик. Аммо эртага бошқача ўйин бўлади.
Об-ҳавонинг инжиқликлари бизга қийнчилик туғдирмайди, деб ўйлайман. Чунки ҳар иккала жамоа бир хил шароитда майдонга чиқади.
Исса Аҳмад, "Ал Аҳли" футболчиси:
— "Насаф" — кучли жамоа. Айниқса, Артур Геворкян жамоанинг энг хавфли футболчиси. Эртанги ўйинда биз фақат 3 очко учун майдонга тушамиз.
