Бугун "Насаф" - "Ал Аҳли" учрашуви олдидан ҳар иккала жамоа бош мураббийлари ва футболчилар иштирокида ОАВ ходимлари учун матбуот анжумани ташкил қилинди. Биз "Насаф" расмий твиттерининг хабарларига таянган ҳолда анжуманда билдирилган фикрлардан воқиф қиламиз.
Рўзиқул Бердиев: - Эртанга ўйинга 100 фоиз тайёрмиз. Геворкян ҳам машғулотларимизда тўлиқ қатнашди ва майдонга тушишга шай. Жамоамиз жисмоний ва руҳий ҳолати жойида. Ихтиёримизда 20 футболчи бор. Энг муносиб футболчиларни майдонга туширамиз. Гуруҳда тўртта жамоада ҳам кейинги босқичга чиқиш имконияти бор. Шу боис барча кейинги босқичга чиқиш учун ҳаракат қилади. Эртанги рақибимиз жуда кучли мураббий ва футбочлиларга эга жамоа. Шу боис ўйин осон бўлмайди.
Элдор Суюнов: - Биз ўйинга тайёрмиз. Жамоамиз билан астойдил ҳозирлик кўрдик. Нaсиб бўлса, ғалабага эришиб, мухлисларни хурсанд этамиз.