Тошкент, 7 апрель - Эртага "Локомотив" ўз майдонида "Ал Садд"га қарши майдонга тушади. Осиё чемпионлар лигасининг 4-туридан ўрин олган мазкур баҳсга қизиқиш юқори. Негаки Қатарда бўлиб ўтган ўйинда "темирйўлчилар" 2:6 ҳисобида ютқазиб қўйишган. Шундай экан, жавоб учрашувида "Локомотив" ўша мағлубият аламини олишга уриниб кўради.
Кеча хабар бериб ўтганимиздек, бугун ўйинолди матбуот анжумани ўтказилади. Матбуот анжуманида даслаб "Ал Садд" вакиллари иштирок этса, кейин "Локо" устози Вадим Абрамов ҳамда бир нафар футболчимиз журналистлар томонидан бериладиган саволларга жавоб қайтаришади. Матбуот анжумани соат 12:00да бошланади. Соат 11:00да эса клублар вакиллари ҳамда ОФК расмийлари билан ўйинолди расмий тадбир ўтказилади. Барча турдаги ОАВ вакилларини 12:00да бошланадиган матбуот анжуманига таклиф этамиз.
