Мюнхеннинг «Бавария» клуби «Реал» ҳимоячиси Серхио Рамосни сотиб олиш ниятида. Немис клуби 29 ёшли футболчи билан дастлабки музокараларни олиб боришга улгуришган, дея хабар беради «El Mundo Deportivo».
Нашр маълумотларига кўра, «Реал» ва Рамос ўзаро шартномани 2019 йилга узайтириш ва бунда футболчининг маоши йилига 10 миллион еврони ташкил қилиши бўйича келиша олишмаяпти. Мадридликлар футболчи учун 8 миллион евро йиллик маошдан ортиғини беришни хоҳламаяпти.
Маълумот учун, Рамоснинг мадридликлар билан амалдаги шартномаси 2017 йилга қадар давом этади.
