ОЧЛ гуруҳ босқичининг 4-турида F гуруҳининг ҳар икки ўйини ниҳоясига етди.

"Бурирам" ўз майдонида "Гамба Осака"га мағлуб бўлиб, гуруҳда якка пешқадам бўлиб олиш имкониятини қўлдан чиқарди. Япония клуби биринчи бўлиб гол ўтказиб юборганига қарамай, иккинчи бўлимда икки тўп киритиб, ғалабани илиб кетди.

Иккинчи учрашувда "Сёнгнам" ўз майдонида "Гуанчжоу R&F" клубини қабул қилиб нурсиз дурангга эришди.

Ушбу гуруҳда кейинги босқич масаласини ҳеч қайси жамоа ҳал қилмади. "Бурирам" ва "Сёнгнам" 7тадан очко тўлашган бўлса, қолган икки жамоада 4тадан очко бор.

ОЧЛ, F гуруҳи, 4-тур

"Бурирам Юнайтед" (Таиланд) - "Гамба Осака" (Япония) 1:2 (1:0)
Голлар: Бунматҳан (8) - Линс (40), Омори (87)

"Сёнгнам И.Ч." (Ж. Корея)- "Гуанчжоу R&F" (Хитой) 0:0