“Насаф”-“Ал Аҳли” учрашувидан сўнг ўтказилган матбуот анжуманида дастлаб Космин Олиару ўйин ҳақидаги фикрлари билан ўртоқлашди.

– Биринчи бўлиб ғалаба келтирган футболчининг фикрларини эшитсак…
Эвертон Реберо: – Биз учун қийин ўйин бўлди. Биз ғалаба учун жуда кўп тер тўкишимизга тўғри келди. Жамоадошларим ва мураббийга раҳмат.

Олариу:
– Биринчи бўлимда учта қулай вазиятдан фойдалана олмадик. Танаффусда техникаси кучли рақиб футболчиларини ёпиш кераклигини айтдим. Иккинчи бўлимда ҳам бир қанча вазиятлар бўлди. Биз ушбу вазиятлардан фақат биттасидан унумли фойдаландик ва муҳим ғалабани сақлаб қолдик.

— Эвертонни нега ўйин бошидан туширмадингиз?
– Мен жамоадаги ҳар бир футболчига имконият беришни хоҳлайман. Эвертон иккинчи бўлимда майдонга тушди ва вазиятни ўзгартира олди.

— Олдиндан бугунги ғалабани ҳис қилганмидингиз?
– Ҳар бир ўйинда ҳар бир жамоа ғалаба учун майдонга тушади. Биз Қаршига фақат ғалаба учун келгандик.

— Жамоангиз 25 маротаба қўполлик ишлатди, “Насаф” эса 13 маротаба...
– Натижа учун жон-жаҳдимиз билан киришдик. Стадион тўла мухлисга қарши ўйин шундай кўриниш олади, одатда. Мен жуда қўпол ўйнамадик деб ҳисоблайман.

— Араб футболи ҳақида фикрингиз? Сиз Европа футболи вакилисиз…
– Араб ва Европа футболининг катта фарқи бор. Жамоам вақт чўзган бўлса, бунинг учун мен узр сўрайман.

— “Насаф”нинг мағлубияти сабаби нимада деб ўйлайсиз?
– “Насаф” футболчилари таваккал қилмасликка ҳаракат қилди. “Насаф” тартибли ва яхши шакилланган жамоа. Коблаш тушгандан кейин жамоа ўйини кучайганлигини ҳам таъкидлаб ўтмоқчиман.