УЕФА Черногорияга Евро-2016 саралаш босқичи баҳсларидаги Россия билан учрашувда 3:0 ҳисобидаги техник мағлубият ёзди. Бу ҳақда УЕФА расмий сайтида маълум қилган.
Шунингдек, Черногория икки учрашувни бўш стадионда ўтказади ҳамда 50 минг евро миқдордаги жарима тўлайди. Бундан ташқари, Россия футбол кенгаши ҳам 25 минг евро миқдордаги жаримага тортилди.
Аввалроқ, Черногория ва Россия терма жамоалари ўртасидаги Евро-2016 саралаш ўйинининг 1-дақиқасидаёқ ўйин тўхтаб қолганди. Россия терма жамоаси дарвозабони Игорь Акинфеевга файер улоқтирилиши натижасида, унда мия чайқалиши юз берган ва елкаси куйган, натижада уни майдондан замбилда олиб чиқиб кетишган, кейинроқ учрашувнинг 67-дақиқасида ўйинни тўлиқ тўхтатиш ҳақида қарор қабул қилингани ҳақида хабар берилган эди.
