Черногориянинг Ulcinj Riviera туристик компанияси Россия терма жамоаси дарвозабони Игорь Акинфеевга ва унинг оиласига маҳаллий курортлардан бирида бепул дам олишни таклиф қилди.
“Спорт день за днём” ресурсида маълум қилинишича, Европа чемпионатининг саралаш босқичида Черногория ва Россия ўртасида бўлиб ўтган учрашув чоғида стадиондаги мухлислардан бири Акинфеевга файер отгани учун ўйин ярим соатга тўхтатилган эди. Трибуналарда тартибсизлик келиб чиққани боис 67-дақиқада ўйин бутунлай бекор қилинган, УЕФА эса Черногория ҳисобига техник мағлубият ёзиб қўйган эди.
Ulcinj Riviera компанияси черногориялик мухлислар номидан узр сўраб, Акинфеевга 15 кун давомида мамлакат ҳудудида дам олиш кетишни таклиф қилди.
