Футбол қироли Пеленинг таъкидлашича, Неймар ва Месси "Барселона" сафидан ўз терма жамоаларига келишганида бошқа ўйин услубига мослашиб кета олмайди.
"Ҳозирги пайтда футболчилар жамоаларга нисбатан машҳурроқ. Олдимизда турган "Копа Америка"ни "Юлдузлар кубоги" деб атасак ҳам бўлади. Месси ўзи яхши билган "Барселона" сафида ўйнаётганида ҳақиқий футболчидек ҳаракат қилади. У терма жамоа сафига келганидан вазият бошқачароқ бўлади. Бу ерда ўйин услуби бошқача. Аргентинада ўйин бошқача ташкил қилинган. Худди шундай гапни Неймар ва Бразилия терма жамоаси ҳақида ҳам айтиш мумкин", - дея Пеленинг сўзларидан иқтибос келтирмоқда ФИФА расмий сайти.
