Олий лига 4-тури доирасида Қўқонда кечган "Қўқон-1912" - "Андижон" учрашувидан сўнг мезонлар бош мураббийи Рустам Абдуллаев фикрларини билдирди.
"Бу учрашувда ғалабани хоҳлагандик, аммо дуранг билан якунланди. Мухлислардан узр сўрайман. Жамоамизда етакчи лидер футболчи етишмади. Футболчилик пайтимда бунақанги муҳитда мазза қилиб тўп сурардим, аммо негадир футболчиларим биринчи бўлимда ҳаяжонландилар.
Ҳакамлар? Уларни баҳоловчилар баҳолайди.
Яхши футболчиларни жалб қилиш учун яхши маблағ керак бўлади. Биз ўзимиз имкониятимиздан фойдалана олдик. Ўйиндан ўйинга жамоамиз янада кучаяди деб хисоблайман", - дейди Абдуллаев.