Ҳамюртимиз Ҳусниддин Ғофуров тўп сурадиган Иваницанинг “Явор” жамоаси бу турда ўз уйида “Единство” жамоасини қабул қилди. Мезбонларнинг тўлиқ устунлигида кечган беллашув 3:0 ҳисобида ўз якунига етди. Учрашувда “Явор” таркибида Марко Дочич икки марта ва Боян Цезарич бир мартадан ўз ҳисобларига гол ёзиб қўйишга муваффақ бўлишди.

Ҳусниддин Ғофуров бу гал асосий таркибга киритилмади. У ўйиннинг 77-дақиқасида заҳирадан майдонга туширилди. Ҳусниддин учрашувда дубль қайд этган Марко Дочични алмаштирди. Шуни ҳам таъкидлаш жоиз, Ҳусниддин 82-дақиқада сариқ карточка ишлаб олишга ҳам улгурди. Бу Ҳусниддиннинг иккинчи даврадаги илк сариқ карточкасидир.

Шу тариқа “Явор” ўз ҳисобидаги очколари сонини 21-турдан сўнг 44 тага етказиб олди ва турнир жадвалининг учинчи поғонасига жойлашди. Жамоа биринчи ва иккинчи ўринларни бўлишиб турган “Металац” ва “Радник”дан атиги бир очкога ортда бормоқда