Бугун бўлиб ўтган "Машъал" - "Олмалиқ" (3:1) учрашувидан сўнг матбуот анжумани ташкил этилди. Биринчи бўлиб матбуот анжуманида меҳмонлар бош мураббийи Игорь Анатольевич иштирок этди ва фикрларини билдириб ўтди.

"Машъал"ни бугунги ғалаба билан табриклайман. Майдонни ҳар бир қаричи учун кескин кураш кечди. Жуда ҳам қизиқарли баҳсни кўрдик.  Яна бир бор "Машъал"ни адолатли ютуқ билан табриклайман" , - дейди Шквирин.

"Биз бугунги мағлубиятни жиддий муҳокама қиламиз. Биз бугун майдон марказини рақибга бериб қўйдик. Бу эса бизни биринчи мағлубиятга олиб келди. Ҳар икки бўлимда ҳам рақиб биздан устунроқ ўйнади. Биз курашдик лекин майдоннинг ҳар бир чизиғида "Машъал" футболчилари бехато ўйнади. Рақибимиз шундай куч билан ўйнадики, худди менга 13 киши ўйнаётгандек туйилди. Рақибни ўйини чиройли чиқди".

"Биз Муборакка очко ишлаш учун келган эдик. Бугун фақат Гоголь майдонга тушмади, лекин унинг битта ўзи ҳам ҳеч нарса қила олмас эди. Неманья жароҳат олди шу боис захирага чиқди. Бизнинг жамоа симуляция қилмайди. Бугунги ўйинда Мурзоевни олдинги чизиққа қўйдик. Унинг ўзига бу жой ёқади ва  ўзи  "Насаф"да ҳам шу чизиқда ўйнаган. Йованович жароҳат олгандан сўнг яққол ҳужумчи бўлиб ўйнади".

"Ҳамма ўйиндан сўнг бизни вазифамизни сўрайди. Биз тўртликка киришни истаймиз ва ОЧЛда ўйнамоқчимиз. Бунақа ўйин билан биз ОЧЛга чиқа олмаймиз. Ҳали тўртинчи тур ўтди ва олдинда ҳали кўплаб ўйинлар бор".