Дунёнинг биринчи рақамли ракеткаси Новак Жокович Laureus спорт академияси томонидан йилнинг энг яхши спортчиси деб танланди. Бу ҳақда ташкилотнинг расмий аккаунти орқали маълум қилинган.
Сербиялик теннисчига мукофотни топшириш маросими 15 апрель куни Шанхай шаҳрида ўтказилган.
Қайд этиш жоизки, бу ном учун даъвогарлар орасида футболчи Криштиану Роналду, автопойгачи Льюис Хэмилтон, франциялик енгил атлетикачи Рено Лавиллени (лангарчўпга таяниб сакраш бўйича), британиялик гольфчи Рори Макилрой ҳамда испаниялик мотопойгачи Марк Маркес каби машҳур спортчилар ҳам бор эди.
Маълумот учун, Новак Жокович 2014 йилда Уимблдон ва АТР турнирларида ғалаба қозонди.
