Нукуснинг “Орол” жамоаси 1-лиганинг 3-турида ўз майдонида “Обод” устидан қозонилган қийин ғалабадан кейин, мезбонлар бош мураббийи Неъматулло Қуттибоевнинг ўйин ҳақидаги фикрлари билан қизиқдик.

- Ростини айтсам, “Обод”дан жуда қўрққан эдим. Айни пайтда улар биринчи лигадаги энг яхши жамоа ҳисобланади. Олдиндан билар эдим, ўйин анча қийин кечишини. Бироқ йигитларга рахмат. Улар ирода кўрсата олишди.

- Футболчиларнинг жисмоний ҳолатлари ҳақида қандай фикрдасиз?
- Бугунги ўйин шуни кўрсатдики жисмоний жиҳатдан “Обод” бироз устунлик қилди. Биринчи таймда кўриндики уларнинг футболчилари бироз тезкорроқ ҳаракат қилишди. Шунга қарамай шогирдларимнинг ўйинидан қониқдим.

- Биринчи таймда бироз ўйин чиқмаган бўлди. Иккинчи таймда эса жамоа яхши ўйнади. Буни сабаби нимада эди?
- Йигитларга доим айтаман “Сизлар ўзларингизга ўзларингиз ютқазишингиз мумкин”. Шогирдларим ютқазиб бошлагандан кейин барчаси жон жаҳди билан ҳаракат қилиб бошлашади. “Обод”да 2-3 та вазият бўлди. Лекин стандарт вазиятлардан унумли фойдаланганимиз биз учун омадли бўлди. Агар биринчи бўлимда гол урмаганимизда иккинчи тайм анча қийин бўлар эди.

- Кейинги рақиб ҳақида қандай фикрдасиз?
- Бу жамоа “Насаф”нинг иккинчи жамоаси бўлганидан кейин барибир хавфли рақиб бўлиб қолаверади. Лекин улар ҳақида деярли маълумотга эга эмасмиз.

Фурқат Юсупов ёзиб олди