"Манчестер Юнайтед" дарвозабони Давид де Хеа Икер Касильяс Мадридда қолиш ёки қолмаслигидан қатъи назар "Реал"га ўтишга рози бўлди.
Испаниянинг La Sexta телеканали тарқатган маълумотга кўра, "МЮ" посбони "қаймоқранглилар"нинг асосий трансфер мақсади бўлиб турибди. Яқинда ўтказилган музокаралар чоғида у "Қироллик клуби" вакилларига ўз розилигини берган. Энди "Реал" футболчининг трансферини амалга ошириш учун "қизил иблислар" билан келишувга эришиши керак.
Де Хеа 2011 йилда "Атлетико"дан "МЮ"га ўтганди. У манкунианликлар сафида 170та расмий ўйинда майдонга тушган. Дарвозабон "Реал"га ўтса, Икер Касильяс, Кейлор Навас ва Фернандо Пачеко билан рақобатлашишига тўғри келади.