Россия чемпионатининг 24-тури доирасида ўтказилган “Рубин” ва “Урал” ўртасидаги учрашув чоғида “Рубин” стадионида ўтирган 17 ёшли мухлис вафот этди. Танаффус пайтида у шифохонага юборилди, аммо шифокорлар уни сақлаб қола олмади, деб хабар беради Kun.uz портали.

“Ўйинда ижобий натижа қўлга киритилганига қарамай, бу фожиа барчамизни қайғуга туширди. Ёш йигит ўзини ёмон ҳис қила бошлади, шифокорлар унга дастлабки тиббий ёрдамни кўрсатиб, шифохонага олиб кетишди, лекин учрашувдан сўнг бизга у ўзига келмаганини маълум қилишди. Ҳозир биз Ринат Билолиддинов билан унинг оиласига қандай ёрдам беришимиз мумкинлигини муҳокама қилмоқдамиз. Балки, ёзги турнирни унга бағишлармиз. Марҳум мухлисимизнинг оиласига ва яқинларига ўз ҳамдардлигимизни билдирамиз, бу бизнинг умумий қайғумиздир”, – деди “Рубин” бош директори Айрат Гараев Бизнес Online порталига берган интервьюсида.

Учрашув Қозон жамоасининг 2:1 ҳисобидаги ғалабаси билан якунланди.