"Манчестер Сити" яримҳимоячиси Давид Сильва "Вест Ҳэм"га қарши учрашувда рақиби Шейх Куятенинг тирсаги зарбаси натижасида жиддий жароҳат олганлиги хабар қилинган эди.
29 ёшли испаниялик футболчи жароҳатдан сўнг юзига кислород ниқоби тутилган ҳолда майдонан олиб чиқилган ва шифохонага ётқизилган эди.
"Қўллаб-қувватлаганларнинг ҳаммасига раҳмат. Ҳамма муолажалар яхши ўтди ва мен уйдаман. Муҳими уч очко олдик", - дейди футболчи.
Учрашувдаги вазиятдан сўнг Куятега сариқ карточка кўррсатилди. "Мансити" бош мураббийи бунга шундай изоҳ берди: "Мен футболчиларнинг атай жароҳат етказиш ниятларига ишонмайман. Ҳакам вазиятга яқин эди ва у зарбани атай қилинмаган деб топди. Ҳаммаси шу".
