Матбуот анжуманининг иккинчи қисмида "темирйўлчилар" устози Вадим Абрамов ҳамда жамоамиз ярим ҳимоячиси Санжар Шоаҳмедов иштирок этди.
Вадим АБРАМОВ: — Эртага бизни жуда муҳим ўйин кутмоқда. Кейинги босқичга чиқиш учун ғалаба қозонишимиз шарт. Рақиб оддий эмас, лекин уларни мағлуб этса бўлади.
Жамоанинг спорт формаси ҳақида
— Мавсум бошида у қадар яхши спорт формасида эмасдик. Лекин ҳар бир ўйиндан кейин йигитларда ўзига ишонч пайдо бўлмоқда.
"Ал-Ҳилол" ҳақида
— Бу жамоанинг ўйин услуби менга "Реал"ни эслатиб юборади. Эртага клуб шаъни учун курашамиз, ғалаба учун боримизни берамиз.
Таркиб ҳақида
— Тўғриси, мен Қорбобо эмасман (кулади). Сюрпризларни ёқтирмайман, агар таркибимизда барча соғ ва тайёр бўлса, шуниси менга маъқул. Масалан, эртага Тўхтахўжаев ўйнай олганида ҳеч қандай муаммо бўлмасди ва уни майдонга туширардим. Эртанги ўйинга таркибни аниқлаб бўлдим, насиб қилса ҳеч қандай сюрприз бўлмайди.
Санжар Шоаҳмедов: — Осиёнинг энг кучли мусобақасида ўйнаш ҳар бир футболчининг истаги. Бу ерда ҳар бир мамлакатнинг энг кучли клублари иштирок этишади. Эртага ғалаба қозонишга уринамиз. Чемпионлар лигаси савияси баланд мусобақа экан, лекин ўйнаса бўлади.
