Иордания чемпионатида иштирок этувчи “Ал-Файсалий” жамоаси дарвозабони Муҳаммад Шатнавий “Ал-Виҳдат” жамоасига қарши ўтказилган ўйиннинг 54-дақиқасида антиқа усулда автогол уриш орқали ҳисобни рақиблар фойдасига очиб берди.

Бу ҳолатда рақиб ҳужумчиси ҳимоячиларни алдаб ўтиб, дарвозабон билан яккама-якка ҳолатга чиқиб келади ва унинг берган зарбаси дарвозабоннинг оёқларига тегиб, ҳавога кўтарилади, бу вазиятда ётган ҳолатда бўлган дарвозабон ҳаводаги тўпга ўз жарима майдонларидан узоқлаштириш мақсадида тегинади, лекин тўп унинг дарвозасига бориб тушади.

Шатнавий бундан кейин ҳам яна 2та гол ўтказди ва жамоаси 0:3 ҳисобида мағлуб бўлди.

Қайд этиш керакки, бу учрашув дерби мақомида эди, ҳар икки жамоа ҳам пойтахт Аммон шаҳри шарафини ҳимоя қилади.

Бу натижадан кейин, “Ал-Виҳдат” турнир жадвалидаги биринчи ўрнини сақлаб қолган, “Ал-Файсалий” эса саккизинчи ўринга тушиб кетган.