16-17 апрель кунлари Тошкентдаги “Ёшлик” спорт мажмуасида Ўзбекистон давлат жисмоний тарбия институти профессори Ропижон Қудратов хотирасига бағишланган енгил атлетика бўйича ЎзДЖТИ очиқ чемпионати бўлиб ўтди. Икки кун давом этган мусобақада жамоалар орасида биринчи ўринни мезбонлар эгаллашди. Биз институт кафедра мудири ва мусобақа ташкилотчиларидан бири Муҳсин Олимов билан суҳбатлашдик.

— Мусобақа ҳақида фикрларингиз билан ўртоқлашсангиз.
— Ушбу мусобақа институтимиз профессори Ропижон Қудратов хотирасига бағишлаб ўтказилди. Бу инсон кўплаб ажойиб шогирдларга устозлик қилган. Турнирни ўтказишдан асосий мақсад ёшлар ўртасида енгил атлетикани тарғиб қилиш, унинг оммавийлигини оширишдир. Бу мусобақа анъанавий тарзда ўтказиб келинмоқда. Турнирни Ўзбекистон енгил атлетика федерацияси, енгил атлетика бўйича спорт мактаблари билан ҳамкорликда ташкил қилдик. Институтимиз талабалри билан бир қаторда вилоятлардаги спортчилар ёзги мавсум аввалида ўзларининг тайёргарликларини текшириб олишди. Бу каби мусобақаларда ғолибларни саралаб олиб халқаро турнирларга тайёрлаб борамиз.

— Турнирда халқаро ареналарда ўзини кўрсатган спортчилар ҳам
қатнашишмоқда. Уларнинг иштироки ёш спортчиларга яна куч, ғайрат бағишлаши табиий. Шундайми?
— Албатта. Ушбу очиқ чемпионатда Осиё ўйинлари чемпиони Екатерина Воронина, халқаро мусобақалар ғолиб ва совриндорлари Анастасия Асланидина, Оля Глуҳовкина каби спортчиларнинг борлиги ёш иштирокчилар учун ўзига ҳос мактаб вазифасини бажаради. Чунки юлдузлар билан мусобақалашиб ёшларимиз тажриба тўплаш имконига бўлишмоқда.

— Иштирокчиларнинг жисмоний ҳолати мутахассисларни қаноатлантирдими?
— Спортчиларнинг жисмоний тайёргарлиги анча яхши. Улар ойдан ойга ўз функционал ҳолатларини яхшилаб, кейинги  мусобақаларда янада куч, шижоат билан қатнашишмоқда. Спортчиларнинг натижалари ҳам анча яхшиланиб бормоқда.

— Вилоятдан келган ва мезбон спортчилар орасида тафовут борми?
— Вилоятдан келган иштирокчилар ҳам муносиб тарзда қатнашишгани диққатга сазовор. Меҳмонлар барча турларда совринли ўринларга асосий даъвогарлар сафида бўлишди. Айниқса, Гулистон давлат университети терма жамоаси яхши натижаларни кўрсатди. Шунингдек, Урганч давлат университети спортчилари илиқ таассурот қолдиришди.

Ўз навбатида, вилоятларда ишлаётган ёш ўқитувчи ва мураббийларимизни эътироф этиш даркор. Мисол учун, Қашқадарё вилоятидан Бахтиёр Худойберганов бошчилигида келган спортчилар мусобақада 3-ўринни эгаллашди.
Бекзод ИСАЕВ

ЎзДЖТИ очиқ чемпионати — 1-кун
16-17 апрель кунлари Тошкентдаги “Ёшлик” спорт мажмуасида Ўзбекистон давлат жисмоний тарбия институти профессори Ропижон Қудратов хотирасига бағишланган енгил атлетика бўйича ЎзДЖТИ очиқ чемпионати бўлиб ўтди.
Биринчи кун

ЎзДЖТИ очиқ чемпионати — 2-кун
16-17 апрель кунлари Тошкентдаги “Ёшлик” спорт мажмуасида Ўзбекистон давлат жисмоний тарбия институти профессори Ропижон Қудратов хотирасига бағишланган енгил атлетика бўйича ЎзДЖТИ очиқ чемпионати бўлиб ўтди.
Иккинчи кун