Теҳронда "Нафт" билан ОЧЛнинг 5-турида майдонга тушадиган "Пахтакор" эрталаб Теҳронга йўл олди.
Теҳронга Дубай орқали етиб борадиган жамоамиз сафида Кахи Махарадзе ва Жамшид Искандеров майдонга туша олишмайди. Улар жароҳат сабабли "Нафт" билан муҳим беллашувни ўтказиб юборишади. Теҳрондаги ўйинда "Пахтакор"га ғалаба зарур. Айни пайтда "Нафт" 7 очко тўплаб, гуруҳда етакчилик қилмоқда. Жамоамиз эса 5 очко тўплаб, 2-ўриндаги "Ал Айн"дан бир очкога ортда қолмоқда. Ғалаба қозонсак, 6-тур олдидан барчаси ўзимизга боғлиқ бўлади. Дуранг натижа қайд этилган тақдирда сўнгги турдаги натижалар гуруҳдаги вазиятга ойдинлик киритади.
"Нафт" ва "Пахтакор" ўртасидаги учрашув 22 апрель, чоршанба куни Тошкент вақти билан соат 19:30да "Озодий" стадионида бошланади.
“НАФТ” - “ПАХТАКОР”
Ҳакамлар: Ким Санг Ву, Янг Бюнг Еун, Парк Санг Жун (Ж.Корея), Масъуд Туфайлиеҳ (Сурия).
Ҳакамлар эксперти: Аҳмад Ёқуб Муҳаммад Жума (БАА).
Комиссар: Кемел Токабаев (Қирғизистон).
