Бугун Тошкентнинг "Пахтакор" жамоаси Теҳрондаги "Озоди" стадионида "Нафт" билан муҳим учрашувда майдонга тушади.

Ғалаба "Пахтакор"нинг кейинги босқичга чиқиш имкониятларини яхшилайди, дуранг натижа барчасини охирги турга қолдиради. Кеча ўйиндан аввал ўтказилган машғулотда Эронга йўл олган футболчилар ўйинга тайёргарлик ҳолатини яхши кўринишга келтиришга ҳаракат қилишди.

Мураббийлар штаби бошчилигида рақиб ўйинига доир барча маълумотлар кўриб чиқилди. Бугун Кахи Махарадзе ва Жамшид Искандеров майдонга туша олмаса-да, жамоамизнинг ижобий натижага эришишини кутиб қоламиз. "Пахтакор" бугун оқ рангли либосларда майдонга чиқса, мезбонлар сариқ либосларда ҳаракат қилишади, деб хабар беради "шерлар" расмий сайти.